jump to navigation

ભારની હળવાશ…. June 2, 2020

Posted by devikadhruva in : Uncategorized , trackback

આકાશમાં ઉડવાની મઝા અને મસ્તી માણતા

મુક્ત પંખીની પાંખ અચાનક …

એક તીરથી વીંધાઈ.

એ છેક જમીન પર પછડાયુંં.

મૂર્છિત થઈને પડ્યું.

એને લાગ્યું એની પાંખ કપાઈ ગઈ,

પીંછે પીંછા વેરવિખેર થઈ ગયાં.

ત્યાં દૂર આભલેથી એક ટીપું પડ્યું,

એ સળવળ્યું. એક બીજું,ત્રીજું,ચોથું..

ધીરે ધીરે ટીપાંઓનો છંટકાવ થતો ગયો.

એણે  આંખો ખોલવાનો પ્રયત્ન કર્યો.

આજુબાજું જોયું.

બેઠા થવાનો પ્રયત્ન કર્યો;

બધું જ યથાવત હતું, પાંખો પણ!

તો શું એ સ્વપ્ન હતું?!

ના, ના..પણ..  એમ માની  જ લીધું.

ખરી પાંખ તો એની પાસે  જ છે! છે જ.

શબ્દની પાંખ.

દેવિકા રાહુલ ધ્રુવ

Comments»

1. શૈલા મુન્‍શા - June 2, 2020

જેની પાસે શબ્દોની પાંખ છે, મસ્તકે મા સરસ્વતીનો વરદ હસ્ત છે, એવા પંખીએ આવા તણખલા સા તીરની કોઈ ચિંતા કરી મૂર્છિત થવાની જરૂર જ નથી. એવા તણખલાં તો હવાની એક લહેરખીએ ક્યાંય ઊડી જાય. એની કોઈ નોંધ પણ ના લે, પણ જે શબ્દોનુ સર્જન થયું છે અને થશે એ શબ્દોની પાંખ હમેશા મજબૂત, કાયમ રહેશે.


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.