પ્રાર્થના… February 20, 2011
Posted by devikadhruva in : સ્વરચના , trackbackછંદ –હરિગીત-૨૮ માત્રા
( ગાગાલગા*૪ )
*********************************
રક્ષા કરો વિપત્તિમાં, એવી ન મારી પ્રાર્થના,
લાગે ન ભય આપત્તિમાં,એવી જ મારી પ્રાર્થના.
આંધી અને તોફાનથી મન હો કદી મારું દુઃખી,
તૂટે ન બળ એવું કરો, બસ એ જ મારી પ્રાર્થના.
બોજો કરી હળવો ભલે હૈયાધરણ ન અર્પશો,
ઉંચકી શકું એવું કરો, બસ એ જ મારી પ્રાર્થના.
ડોલે ભલે નૈયા કદી ખૂટે ન હામ હૈયા તણી,
શ્રધ્ધા રહે તોયે સદા બસ એ જ મારી પ્રાર્થના.
ઊગારજો ભવસાગરે એવી ન મારી પ્રાર્થના,
તરવાને આપો બાહુબળ, બસ એ જ મારી પ્રાર્થના.
નિર્દોષતાથી સુખમાં પણ જોઉં તુજ મુખારવિંદ,
સરકે ધરા પગને તળે અવિચળ રહે આ પ્રાર્થના…..
Comments»
બહુજ સુન્દર પ્રાર્થના !!!
સાદી સરળ પરંતુ એક ઘહેરો મર્મ, જે ઘણુ બધુ કહે છે .
અને દિલને સ્પર્ષી જાય છે .