અગર જો………. July 27, 2010
Posted by devikadhruva in : સ્વરચના , trackback
પૂછે છે રાધા,પાસે જઇ કાનાને, વ્હાલપથી કાનમાં,
અગર જો રાધા, હોત જરા શ્યામ,
સાચુકડું કે’જે, શું ચાહત તુ શ્યામ?
પૂછે છે રાધા, પાસે જઇ કાનાને, ધીરેથી કાનમાં,
અગર જો હોત ના ગાયો ને ગોપી,
તો મથુરામાં વાસ કરી, ખેલત તુ હોળી ?
પૂછે છે રાધા, પાસે જઇ કાનાને, હળવેથી કાનમાં,
અગર જો હોત ના છિદ્ર આ વાંસળીમાં,
વીંધ્યા વિણ સૂર, શું રેલત તું વાંસળીના ?
પૂછે છે રાધા, પાસે જઇ કાનાને, સ્નેહેથી કાનમાં,
અગર જો મોરપીંછ હોત જરા પીળુંપચ,
સાચુકડું કે’જે, શું રાખત તું શિર પર ?
પૂછે છે રાધા, પાસે જઇ કાનાને, વ્હાલપથી કાનમાં,
અગર જો રાધા હોત જરા શ્યામ,
સાચુકડું કે’જે, શું ચાહત તુ શ્યામ?
Comments»
વાહ!
મઝા આવી ગઈ!
અગર જો રાધા હોત જરા શ્યામ,
સાચુકડું કે’જે, શું ચાહત તુ શ્યામ?
શ્યામનો જવાબ પણ લખો સુંદર અને સંપુર્ણ કૃતિ થઈ જશે
રાધાનુ દિલ એકદમ શુધ્ધ, પ્રેમથી ભરેલુ છે.
ભગવાન ભાવના ભુખ્યા છે, પ્રેમના ભુખ્યા છે.
તેમને કાળા ગોરાનો કોઈ ભેદ નથી.
રાધા અગર શ્યામ હોત તો પણ કાના તેમને એટલોજ પ્રેમ કરે.