jump to navigation

છેલછોગાળો August 26, 2009

Posted by devikadhruva in : સ્વરચના , trackback

શ્રાવણનો આ સરતો મહિનો, પણ ક્યાં છે સૌનો કાનો,

       ગોતી ગોતી થાકી આંખો, નથી દેખાતો યમૂનાનો  કાંઠો….

વસુદેવ ને દેવકી લઇને આવે જેલની યાદો,

       નંદ-જશોદા બાંધી બેઠા ક્યારનો મનમાં માળો, 

શોધી શોધી થાકી આંખો, નથી દેખાતી ગોકુળની  ગાયો….. 

       લાગણીઓ તો લળી લળીને રમતી કેવા રાસો,

ઉજાગરાએ  માંડ્યો હવે, આ રાતનો અહીં વાસો,

       ગોતી ગોતી થાકી આંખો, નથી દેખાતો મન્મંદિરનો માધો……

ખોટી મટકી,માખણ લઇને, ગોરસ વહેંચુ ઘાટો,

       નીકળ હવે તો બહાર છબીની, તોડ પીડાની વાડો, 

શોધી શોધી થાકી આંખો, નથી દેખાતો જશોદાનો જાયો…. 

       ખુબ મનાવું પ્રેમથી તુજને, રહે નહિ હવે આઘો,

છાને પગલે આવી આવી, સ્પર્શી લે સ્નેહથી વાંસો, 

       ગોતી ગોતી થાકી આંખો, નથી દેખાતો વ્રજનો વ્હાલો;

શ્રાવણનો આ સરતો દાડો, પણ ક્યાં છે સૌનો કાનો,

       શોધી શોધી થાકી આંખો, નથી દેખાતો છેલછોગાળો………

 

Comments»

no comments yet - be the first?


Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.