કાગળની હોડીમાં તરતુ બચપણ May 5, 2009
Posted by devikadhruva in : સ્વરચના , trackback
વીતી ગયું છે શૈશવ, ને વહી ગયું છે યૌવન,
પૂછી પૂછીને પૂછું કોને, શાને આવતું ડહાપણ ?
કાયા કહે છે ઉંમર કારણ,
માયા કહે છે ભારણ !
જીવનને પૂછું તો કહે છે,
મનડું જ એનું કારણ…….
બાળ બની રમતા‘તા કાલે,આજ પૌત્ર-પૌત્રી સામે,
કોરા કાગળની હોડી સાથે,તરતા લઇ ગઇ બચપણ ક્યારે ?
કળી કહે છે પાનખર કામ,
સુરજ કહે છે ચાંદ,
ચાંદને પૂછું તો દે છે,
દિવસ રાતનું નામ……
સોળના સપના કાલના વ્હાણા,ઉડી ઉડીને થયા વાર્તા,
“વાર્તા વાર્તા“ફરી મંડાતા,ઉત્તર મળતા સમયની ધારા
ઉત્તર મળતા ક્ષણના ગાણા, પળના પીંછા !!!!!!
Comments»
વીતી ગયું છે શૈશવ, ને વહી ગયું છે યૌવન,
પૂછી પૂછીને પૂછું કોને, શાને આવતું ડહાપણ ?
ભઇ, આ ઊંમરે આવું ડહાપણ આવે..અને એ પણ સાચું..
સુંદર રીતે ભાવોને વણી લીધા છે
ઘણી વાર આ સુંદર સાઈટની મુલાકાત લઈ..comments લખું છું પણ એ જાય છે ક્યા?…ખબર નથી કે computerને પણ ભુખ લાગતી હશે..!!!!
Memories of our childhood are unbearable !