કોઇ કહો સૂરજને પાછો વળે October 18, 2008
Posted by devikadhruva in : સ્વરચના , trackback
કોઇ કહો સૂરજને પાછો વળે,
મારા કામમાં આવીને કાં આડો પડે ?
ક્યારેક વળી એ તો આંખે નડે !
કોઇ કહો સૂરજને ધીમો તપે…..
હઠીલો ફરતો એ માથે ચડે,
નાજૂક ત્વચા મારી એથી બળે,
વારી વારી મથી ના તો યે ખસે !
કોઇ કહો સૂરજને ધીમો તપે…..
થાકી હારીને જોઉં સાંજે જ્યાં નભે,
અદભૂત ધરી રૂપ દિલને હરે,
ભરીને આંખોમાં માણું, ત્યાં ઢળી પડે !
કોઇ કહો સૂરજને પાછો વળે…..
આલમને રાખીને આખી અંધારે,
જાણે કાળી એક કોટડીમાં પૂરે,
દૂર દૂર પૂરવના દેશે જઇ ઘૂમે !
કોઇ કહો સૂરજને પાછો વળે…….
Comments»
no comments yet - be the first?