ન કોઇએ લખી…. October 28, 2012
Posted by devikadhruva in : ગઝલ , trackback
લખી લખી અને લાખોએ લખી,
ઘડી ઘડી ઘૂંટી ઘૂંટીને લખી;
કવિ સૂફી, અને સંતોએ રચી,
છતાં એ પૂરી ન કોઇએ લખી.
જીવન મરણ સુધી હૈયામાં જડી,
કથા, ગીતો અને વાર્તા યે લખી;
અરે,ભલી બુરી કોઇની કહી,
એ વાત ઉંચી ન ઇન્સાને લખી.
ઉપર ઉપરથી લખાઇ તો ખરી,
ખરી પિછાણ વગર ભીંતે લખી;
ખરેખરી ‘દેવી’ ઢાઈ અક્ષરની,
કહે તું સાચી, શું ત્હેં પણ એ લખી !
Comments»
no comments yet - be the first?