jump to navigation

પગલાં October 26, 2009

Posted by devikadhruva in : સ્વરચના , 1 comment so far

Inspirational  famous poem “footprints in the sand”   પર આધારિત રચના …

footprints footprints-posters

વિશ્વાસ હતો  ને  હતી એક ખુમારી;
સાથે હતો ઇશ ને, કેડી યે સહેલી.

લીલાંછમ રસ્તા ને ઝુમતાં’તા વૃક્ષો,.
હવા યે શીતલ ને ઝુલતાં’તા ફૂલો.

અણજાણે જોશે ગતિ તેજ થાતી,
ના જાણે ક્યાં છેક મુજને લઇ જાતી.

વસ્તીથી દૂર એક સંધ્યાને ટાણે,
પહોંચાડી સૂક્કા રેતાળ રાહે…..

રળિયામણો પંથ ભેંકાર લાગ્યો.
એને વિસરતા  વિકટ માર્ગ લાગ્યો.

પાછું  વળી જોયું, કેવુ આ દ્રશ્ય !,
મારાં જ  પગલાં બે ? એના અદ્રશ્ય !!

શંકા-કુશંકાથી  આંસુ બે ટપક્યાં,
પ્રશ્નો ભીતરથી લાખો કૈં ઉમટ્યા.

ત્યાં આકાશવાણીના પડઘા સંભળાયા;
આકાશવાણીના પડઘા સંભળાયા………

દૂર દૂરથી ગેબી અવાજ કાને
એ પગલાં છે મારાં ડરે તું શાને ?…

નીડર બનીને ડગલાં તું ભરજે,
શંકા નહિ પણ શ્રધ્ધા તું રાખજે.

એ હું જ છું ને તુજ સાથ છું હું,
એ હું જ છું ને તુજ સાથ છું હું.

તને  ઝિલીને આગળ વધુ છું.. !!
ઉંચકીને હળવેથી પગલાં ભરું છું……

દિલનો દીવો October 11, 2009

Posted by devikadhruva in : સ્વરચના , add a comment

divo

નવરાત્રી અને દિવાળી હવે યંત્રવત વાર્ષિક ઘરેડ બની ગઇ છે,સંવેદના-શૂન્ય બની ગઇ છે.એનો અસલ રંગ અને ઉમંગ “શેરીના ગરબા”ની જેમ અદ્રશ્ય થઇ ગયો છે,ત્યારે આ પર્વની ઉજવણીને એક નવો ,સાચો ઓપ આપવાનો વિચાર જાગ્યો…જે સસ્નેહ પ્રસ્તૂત….

*********************        ********************       ******************

સુવિચારોની આચરણ-પૂજા એટલે ધનતેરશની પૂજા,

મનમંદિરની સફાઇ એટલે કાળીચૌદશ,

દિલના દીવડાની હારમાળા એટલે દિવાળી.

આશાઓનો અભિગમ એટલે નૂતન વર્ષ,

સંબંધોમા સાતત્ય તે જ ભાઇબીજ,

સત્ય અને સ્મિતનું વર્તુળ એટલે ગરબા,

અમી અને આદરના દાંડિયાથી થાય તે રાસ.

અંતરના અજવાળા એટલે આરતી,

હ્રદયનો ભાવ તે જ પૂજાપો,

ભીતરથી પ્રભુનો આભાર તે જ પ્રાર્થના….

ચાલો, ઉરના આંગણે ,

સમજણના સાથિયા પૂરીએ.

એકાંતની કુંજમાં, શાંત,

પ્રસન્ન સાન્નિધ્ય માણીએ,

નિર્મલ આનંદનો ઓચ્છવ ઉજવીએ,

 સાચા નૂતન વર્ષ મુબારક હો……………………

મુક્તક October 4, 2009

Posted by devikadhruva in : સ્વરચના , add a comment

 

hathhathma

 

લગ્નની ચોરીમાં એકમેકના હાથ મળ્યાં,

લો,ગણિતના દાખલા સૌ ખોટા પડ્યાં !

એક વત્તા એક બરાબર બે નહિ,

જીવનમાં તો એક જ, રોજના પાઠ મળ્યાં….

Type in
Details available only for Indian languages
Settings Settings reset
Help
Indian language typing help
View Detailed Help