jump to navigation

શ્રાવણી રોશની August 16, 2008

Posted by devikadhruva in : સ્વરચના , add a comment

      shravani-roshni.jpg  roshni2.jpg

નવજાત બાળ જોઉં ને ધક ધક, થાય હૈયે શુંશું લખુ;
માસુમ ચહેરો જોઉં ને થાય એકાએક  ઇશ્વર લખુ.

પ્રથમ રુદનનો સૂર સાંભળી વિસ્મયનો ભંડાર લખુ,
ઘેરી નિંદનું સ્મિત આહા, બ્રહ્માંડનો આવિષ્કાર લખુ.

નાજુક કોમળ સ્પર્શી હથેળી, નિયતિનો આકાર લખુ,
નિર્દોષ ઉઘડતા નેત્રો નીરખી,સપનાઓ સાકાર લખુ.

પદ્મશો પંપાળી અંગૂઠો, ઇશાનો અજબ ઉપહાર લખુ,
લાગણી બની ગોવાલણી  ર્હ્રદયે રચાતો રાસ લખુ.

મનને પકડી કલમમાં આજે, અશનિનો ચમકાર લખુ,  
દિલ નિચોવી સમંદર જેટલો પ્રેમ પારાવાર લખુ.

ઉગી સુરખી ભરી આંગણે એક એવી સવાર લખુ,
નવજાત શિશુ જોઇ જોઇ થાય હૈયાનો હાર લખુ.

વિશાલાકાશે ભરી રોશની,પરમેશ્વરને અહોભાવ લખુ,
અડગ અચલ ધ્રુવ-તારકોનો બસ, જયજયકાર લખુ…..

અશનિ=વિજળી

Type in
Details available only for Indian languages
Settings Settings reset
Help
Indian language typing help
View Detailed Help