શબ્દોને પાલવડે » ‘જ’નો જાદૂ

‘જ’નો જાદૂ June 4, 2008

Posted by devikadhruva in : શબ્દારંભે અક્ષર એક , trackback

( જળકમળ છાંડી જાને બાળા….ના રાગમાં )

જલકમલવત્ જીવી જાને,

જરૂર જગન્નાથ જાગશે,

જાગશે જે જાણશે જ્યારે,

જીવનની જ્યોતિ જશે…………જી……..જલકમલવત્

જન્મ, જુવાની જે જરાના,

જીવે જગત જંજાળમાં,

જર,જમીન,જોરૂ જનોના,

જખમો જીરવી જાણજે…………જી………જલકમલવત્

જગમાં જામ્યા જંગી જાળા,

જાદૂના જામ જબાનમાં,

જલસામાં જકડી જશે,

જયાં જિગરને જાકારશે………..જી………જલકમલવત્

જોબન જોશીલાની જ્વાળા,

જતનથી જાળવી જજે,

જીસ્મથી જશે જીવ જ્યારે,

જાલીમ જમાનો જલાવશે………જી……..જલકમલવત્

no comments yet - be the first?