શબ્દોને પાલવડે » નવા વર્ષનો સૂરજ

નવા વર્ષનો સૂરજ November 10, 2007

Posted by devikadhruva in : કાવ્યો , trackback

બેસતા વર્ષની શુભ શરુઆત…..સાલ-મુબારક….

ઇશ્વરના રૂપ સમા સૂરજની વાત….

ફરી એક્વાર….આપની સમક્ષ રજૂઆત….

*—————–*—————-*——————*————-*

પૂરવનો જાદુગર આવે,

છાબ કિરણની વેરે;

હળવે હાથે ધીમુ સ્પર્શે,

પડદા પાંપણના ખોલે.

અંગ મરોડે કાલની વાતે,

આશ નવી કોઇ લાવે;

મંચ આકાશે નર્તન કરતે,

રંગ અનોખા વેરે.

કોમળ સવારે,તપ્ત મધ્યાન્હે,

શીળો બને સમી સાંજે;

સુદૂર સાગરે ડૂબી અન્તે,

પુનઃ પ્રભાતે પધારે.

જાદુગરનો ખેલ અનેરો,

ખુબ ખુબીથી ખેલે;

પૂરવ દિશાનો સુરજ ઊગે,

છાબ કિરણની વેરે.

no comments yet - be the first?