jump to navigation

‘ક્ષ’ અને ‘જ્ઞ’ નો મેળો December 30, 2008

Posted by devikadhruva in : શબ્દારંભે અક્ષર એક , add a comment
2008 ના વર્ષની સાથે સાથે ચાલેલ મારી “શબ્દારંભે અક્ષર એક” ની યાત્રા પણ ‘ ક્ષ અને જ્ઞ ‘ ના મેળા સુધી આજે પરિપૂર્ણ થાય છે.આ તબક્કે આપ સૌના પ્રતિભાવ અને એ દ્વારા મળેલ પ્રેરણા માટે ર્હ્ર્દયપૂર્વક, સવિનય ખુબ ખુબ આભાર..
************ ************* ************* ***************

beautiful-christmas-tree2

ગદ્ય

ક્ષરાક્ષરના જ્ઞાતા ક્ષત્રિય ક્ષમિતે,

જ્ઞાન-ચક્ષુથી ક્ષીરનીરના જ્ઞાનથી,

જ્ઞાતિના ક્ષેત્રની ક્ષતિઓને,

ક્ષમ્ય-ભાવે ક્ષમી, ક્ષણે ક્ષણે,

ક્ષેમકુશળતા બક્ષી…..

************************************************************

 

‘ળ’ ન હોત તો ? December 29, 2008

Posted by devikadhruva in : શબ્દારંભે અક્ષર એક , add a comment

ન હોત તો ફળિયે મળ્યા ન હોત,

     ને કાળજે સોળ ન હોત;

ન હોત તો માળવે મળ્યા ન હોત,

       ને મેળે મેળાવડો ન હોત;

ન હોત તો ખોળિયું હેતાળ ન હોત,

           ને વાંસળી થી વ્યાકુળ ન હોત;

ન હોત તો કાગળ ઝળક્યાં ન હોત,

     ને ઝાકળ ઝળહળ ન હોત;

ન હોત તો આંગળી ઝબોળાઇ ન હોત,

     ને જળ ખળભળ ન હોત.

 

 

 

‘હ’ની હવા December 26, 2008

Posted by devikadhruva in : શબ્દારંભે અક્ષર એક , 1 comment so far

હળવી હળવી હવા હતી,

હુતો-હુતીની હસલ હતી.

હવેલીના હિરાજડિત હિંડોળે,

હોંશીલી હસીનાની હસ્તી હતી.

હેતાળ,હુંફાળા હાથ હાથમાં,

હસતા હોઠોની હલચલ હતી.

હરદમ હરિયાળી હરિયાળી,

હૈયામાં હેતની હેલી હતી.

હેમવર્ણા હરણ-હરણીઓની,

હજાર હંસોની હારમાળા હતી.

હોડીના હલેસા હસ્તમાં,

હરિની હુબહુ હાજરી હતી.

હળવી હળવી હવા હતી;

હુતો-હુતીની હસલ હતી.

 

‘સ’નું સંગીત December 24, 2008

Posted by devikadhruva in : શબ્દારંભે અક્ષર એક , add a comment

 ોનેરી સાંજે,સુરીલા સાદે,
  
સંગીતના સાત સાત સૂરોની સાથે,
 
સાંવરી,સલોની,સુહાની સંગીતા,
 
સપ્તકને સ્પર્શતી સોહાગની સાથે..
 
સંસાર સાગરે,સૌમ્ય સ્વરૂપે,
 

સમંદરમાં સમાતી સરિતાને સ્મરતી,

સર્વે સહોદરના સ્નેહાળ સથવારે,

 
સેંથીમા સિંદૂર સજીને સ્હેલતી.
 
સોનેરી સાંજે,સુરીલા સાદે,
 
સંગીતના સાત સાત સૂરોની સાથે.

 

‘શ’ની શોભા December 23, 2008

Posted by devikadhruva in : શબ્દારંભે અક્ષર એક , add a comment

 

શત શત શગ શમાની શોભા,

શબનમ શતદલની શોભા.

મણાઓ શૈશવની શાન,

શીતલતા શીકરોની શોભા.

શીલ શરમ શીલવાનની શોભા,

શમીપૂજન શબરીની શોભા.

શબદ શાણો શૂન્યની શાન,

શુધ્ધ શૈલી શબ્દોની શોભા.

શૃંગ શૃંગ શિખરની શોભા,

શંખનાદ શૂરવીરની શોભા.

શોણિતભીની શહીદોની શાન,

શાલીનતા શહેનશાહની શોભા.

શુભ્રતા શરદેન્દુની શોભા,

શુચિ-શર્વાણી શંભુની શોભા,

શકુંતશોર શારદાની શાન,

શસ્ય શ્યામલા શત શત શોભા.

_______________________________________________

 શગ=જ્યોત;                 શમા=મીણબત્તી

શકુંત=મોર;     શસ્યશ્યામલા=ભારતમાતાનું વિશેષણ.

———————————————————————————-

 

‘લ’ની લગન December 4, 2008

Posted by devikadhruva in : શબ્દારંભે અક્ષર એક , add a comment

 

લલાટે લખેલા લેખની લકીરો,

લગની લાગે તો લાખેણી લાગે;

લાડીના લાલ લીલાં લ્હેરિયામાં,

લોચનની લાજ લાખેણી લાગે..

લલિત લતાના લાજવાબ લયમાં,

લાખ લાખ લોરી લચકાતી લાગે;

લજામણીના લાડભર્યા લટકામાં,

લટકતી લટો લ્હેરાતી લાગે..

લોહીની લાગણી લગાતાર,

લીલીછમ,લસલસતી લાગે;

લખતા લખતા,લીટીએ લીટીએ,

લાગણી લથબથ લીંપાતી લાગે..

Type in
Details available only for Indian languages
Settings Settings reset
Help
Indian language typing help
View Detailed Help