મૌન-વ્રત June 17, 2007
Posted by devikadhruva in : કાવ્યો , 4 comments
એકાણું વર્ષના પૂજ્ય બાને
એમની પચ્ચીસ લાખ બાણું હજાર પળોના મૌન-વ્રત પ્રસંગે સપ્રેમ….
મૌનના વનમાં તમે ઘણું તપ્યાં,
હવે અમારા કોલાહલમાં પાછાં આવો;
મૌનના મેળામાં તમે ઘણું ફર્યા,
હવે અમારા ટોળામાં પાછાં આવો..
છવ્વીસ લાખ પળોમાં તમે એકલાં જીવ્યાં,
હવે અમને મનોબળના છાંટા આપો;
તમારા શબ્દો વિના અમે મૂંઝાયા,
હવે મૌનના ગુંજારવને વાચા આપો..
તમારા અવાજ વિના અમે અટવાયા,
હવે મૌનના તે વ્રતની આરતી ઉતારો;
સંયમની સિધ્ધિને તમે સાચે વર્યા,
હવે અમારા પ્રણામ પ્રેમે સ્વીકારો.,
હવે આશીર્વચનો બોલીને આપો…………………….