jump to navigation

જીંદગીને એક વિશેષ વાચા છે… February 7, 2009

Posted by devikadhruva in : સ્વરચના , trackback

જીંદગીને એક વિશેષ વાચા છે,

          ને હર માનવ છે એક કથા.

વિધાતાની વરવી કલમ છે,

          ને જીવન સૌના પાના..

સુખ દુ:ખ એનો કક્કો છે,

          ને ચડતી પડતી બારાખડી,

સંજોગના સ્વર વ્યંજન છે,

          ને વ્યાકરણ તો છે વ્યથા..

જેની ગૂઢ ગહન વળી ભાષા,

          ને હર માનવ છે બસ કથા.

શાહીનો રંગ એક જ આમ તો,

          ને તો યે દીસે રૂપ જુદા;

કોઇની રક્તવર્ણી છે વાત,

          ને કોઈની રક્ત ટપકતી કથા…..

જીંદગીને એક વિશેષ વાચા છે,

          ને હર માનવ છે એક કથા.

 

Comments»

1. સંગીતા - February 9, 2009

વાહ દેવિકાબેન!

2. lata.kulkarni - January 5, 2010

sunder abhivyakti!!!!!!!


Type in
Details available only for Indian languages
Settings Settings reset
Help
Indian language typing help
View Detailed Help