“મ”-માની મમતા- March 16, 2008
Posted by devikadhruva in : શબ્દારંભે અક્ષર એક , add a commentમાર્ચનો મહિનો મૈયરને માર્ગે,
માવડીની મમતા મનડાને માળે.
માનવ મહેરામણ મેળામાં મ્હાલે,
મનડું મારું માતમ મનાવે………
મધુવનમાં મોગરા મઘમઘ મ્હેંકે.
માનિની માલણ મંદ મંદ મરકે,
માઝા મૂકીને મેળો મસ્તીથી માણે,
મોસમ મધુરી મને મૂંઝવી મારે…….
મેઘના માવઠે મોસમ મરોડાયે,
માની મૂક મુદ્રામાં મૃત્યુ મુરઝાયે,
માર્ચનો મહિનો માતને મંદિરિયે,
માવડીની મીઠી મમતા મમળાવે……..
*********************************************************************
આજે માર્ચની પંદરમી તારીખ….
“બધું સરસ સરસ હતું અને અચાનક મા માર્ચમાં ગઇ” એ ભાવ મેં બે વિરોધી
વર્ણન દ્વારા, માના “મ”ને સહારે, વ્યક્ત કરવાનો પ્રયત્ન કર્યો છે.“
આશા છે સૌને અભિપ્રેત થશે.
