વેદનાની ખુશી August 15, 2007
Posted by devikadhruva in : કાવ્યો , 26 comments 
બાંસુરી વાગે સૂરીલી ત્યારે,
જ્યારે છેદ કાયામાં વાગે;
રુદન સાંભળે બાળનું ત્યારે,
જ્યારે માત પ્રસવે પીડે;
ગગન વરસે નેહથી ત્યારે,
જ્યારે ધરા તપે ને ત્રાસે;
પથ્થર બને મૂરતી ત્યારે,
જ્યારે શીલ્પી ટીપે ને ટાંકે.
શક્તિ બક્ષે પ્રભુજી ત્યારે,
જ્યારે ઘાવ હ્ર્દયે લાગે;
ત્રીરંગી ઝંડા લ્હેરે ત્યારે
જ્યારે શૂરા શહીદી વ્હોરે.
